"Үлгән" тигән хәбәр - буш! Ул тере!

Мобилизация ваҡытында интернет йондоҙона әйләнгән Башҡортостан йырсыһы Артур Хәсәновтың ("Хәсән"дең) махсус хәрби операция зонаһында һәләк булыуы тураһындағы хәбәрҙәр буш.

"Мин иҫән-һау, имеш-мимештәргә ышанмағыҙ, зинһар", - тип яҙҙы Артур үҙенең яҙыусыларына.

Бөгөн яугир "Хәсән" МХО-ла хәрби бурыстарын уңышлы үтәп йөрөй. Ижад менән дә әүҙем шөғөлләнә, бер нисә композиция сығарған, ҡыҫҡа ялында концерттарҙа һәм фестивалдәрҙә сығыш яһай.

Иҫән-һау йөрөһөн яугирҙарыбыҙ! Еңеү менән ҡайтһындар!

Иҫегеҙгә төшөрәбеҙ: Артур Хәсәновтың йырсы Филюс Ҡаһиров репертуарындағы "Кейек ҡаҙ юлдары" йырын башҡарған видеоһы шунда уҡ киң таралып, халыҡтың һөйөүен яуланы.

Фото: Артур Хәсәновтың сәхифәһенән.