Балаһы эш боҙған, яуапты әсәһе бирәсәк

Баш ҡаланың Вологодская урамында ЮХХДИ хеҙмәткәрҙәре бер машинаны туҡтатҡан. Тикшереү барышында водителдең таныҡлығы һәм идара итеү тәжрибәһе булмаған бала булыуы асыҡлана. Транспорт сараһы ла теркәлмәгән булған. Юл полицияһы үҫмерҙең әсәһен ваҡиға урынына саҡыра, уның алдында бәлиғ булмаған бала транспорттан сығарыла. Машина "штрафстоянка"ға оҙатыла.

Бала теркәлмәгән транспорт менән һәм таныҡлыҡһыҙ идара итеүҙә ғәйепләнә. Уны контролдә тотмаған өсөн әсә кешегә лә яуап бирергә тура киләсәк - был инцидент Бәлиғ булмағандар эштәре һәм уларҙың хоҡуҡтарын яҡлау буйынса комиссияға тапшырылған.