Был матурлыҡтар ҡайҙа тиһегеҙме?

Музей-ҡурсаулыҡ хеҙмәткәре данлыҡлы мәмерйәнең залдарында төшөрөлгән яңы фотолар менән уртаҡлашҡан. Уларҙа йөҙҙәр һәм меңәр йылдар дауамында һыу менән уйылған һәм буялған тәбиғи формалар сағылдырылған.

Һыу бында төп рәссам - ҡая таштар ҡалынлығы аша һеңеп, сталактиттар, сталагмиттар, туңған шарлауыҡтарҙы хәтерләткән сәйер кальцит ятҡылыҡтары барлыҡҡа килтерә. Ә фонарь менән яҡтыртылғанда мәмерйәлә тағы ла серлерәк күренеш хасил була.