Ә һеҙ Толоп байрамында булдығыҙмы?

Радий Хәбиров социаль селтәрҙә яҙыуынса, бөгөн "Турахан" визит үҙәгендә Толоп байрамы үткән.

Толоптоң нимә икәнен йәштәр бик белеп тә етмәйҙер әле. Ә бына ололар уны ҡышын гел кейеп йөрөгән. Бик шәп кейем ул.

"Байрамдың төп маҡсаты - башҡорт ҡышҡы кейеменең бар матурлығын күрһәтеү. Толоптар, шәлдәр, быймалар - был сараның төп "геройҙары". Был байрамды үткәреү өсөн Евразия күсмә цивилизациялар музейының визит үҙәген һайлау ҙа юҡҡа түгел. Артабан да бында сағыу саралар ойоштороласаҡ", - тигән Радий Фәрит улы.

Фото: Радий Хабиров, вк һәм "Башинформ".