Айырылышыуҙар һаны кәмегән

- Никахтар һаны 3 процентҡа артҡан, - тип яҙҙы үҙенең сәхифәһендә БР Премьер-министры. - Был һандар тик статистика ғына түгел. Был - 2036 йылға тиклем ғаилә һәм демография сәйәсәтен тормошҡа ашырыу буйынса эш стратегияһы сиктәрендә алып барылған ғаиләне нығытыу буйынса системалы эштең тәүге, әммә бик өмөтлө емеше. Төп ҡоралдарҙың береһе булып ғаилә медиацияһы тора. Был конфликтты судҡа алып бармау, ә һөйләшеүҙәр ярҙамында хәл итеү мөмкинлеге. Тикшеренеүҙәр күрһәтеүенсә, күп парҙар, ҡыҙғанысҡа ҡаршы, был мөмкинлек хаҡында белмәй. Ә бит профессиональ медиаторҙар ярҙамында беҙ йылына яҡынса 100 ғаиләне ҡотҡара алабыҙ. Хеҙмәт министрлығы коллегалары менән был эште бөтә муниципалитеттарҙа ла киңәйтергә ҡарар иттек. Ныҡлы ғаилә - төбәгебеҙҙең һәм илебеҙҙең именлегенең нигеҙе.

Фото: https://ok.ru/profile/581492478309/statuses/157099968519525