Президент менән тура эфирҙа аралашыу дауам итә

"Беҙ конфликтты былтыр июндә мин тәҡдим иткән принциптар нигеҙендә тыныс юл менән тамамларға әҙербеҙ һәм тап ошоно теләйбеҙ", – тине Президент.

Уның әйтеүенсә, Рәсәй ғәскәрҙәре хәрби бәрелештәрҙең барлыҡ линияһы буйынса алға бара.

– Ҡыҙыл Лиман яҡын арала алынасаҡ, тип уйлайым. Ҡаланың 50 проценты беҙҙең контролдә, – тине ил башлығы.

– Ағымдағы йыл аҙағына тиклем яугирҙарыбыҙҙың яңы уңыштарының шаһиты буласаҡбыҙ, – Путин Северск ҡалаһын азат итеүҙә ҡатнашҡан Рәсәй Геройы Наран Очир-Горяевҡа шулай тип һүҙ бирҙе.

Владимир Путин фекеренсә, дошман стратегик резервтарҙа ҙур юғалтыуҙар кисерҙә. Улар ҡалманы ла тиерлек. Был – Киев режимын конфликтты тыныс юл менән тамамларға мәжбүр итәсәк мөһим элемент.

Фото: Кремль сайтынан.