+1 °С
Болотло
Бөтә яңылыҡтар
Яңылыҡтар таҫмаһы
12 Декабрь 2025, 09:25
Бәләкәстәр ҙә ГТО тапшыра
Башҡортостанда спортты һәм физкультураны яраталар. Олоһо ла, кесеһе лә. ГТО нормаларын тапшырыу ҙа әүҙем бара. Ошо көндәрҙә Мәләүез ҡалаһындағы балалар баҡсаһы тәрбиәләнеүселәре һынау тотҡан.
Бәләкәстәр ҙә ГТО тапшыра
Ҡала хакимиәтенән белдереүҙәренсә, төбәктә спортҡа һөйөү һәм ҡыҙыҡһыныу уятыу бәләкәстән тәрбиәләнә.
"Гүзәл" балалар баҡсаһында балаларҙы ГТО нормаларын тапшырыуға әҙерләгәндәр. Һәм һөҙөмтәләр яҡшы булған - малайҙар һәм ҡыҙҙар үҙҙәренә тейешле күрһәткестәргә өлгәшкән.
Бәләкәстәр йүгергән, һикергән - һис тә һынатмаған.
Балалар баҡсаһы мөдире Алһыу Байсарова әйтеүенсә, ГТО фестивалендә ҡатнашыу ул нормативтар тапшырыу ғына түгел, ә ихтыяр көсө тәрбиәләү, сәләмәт тормошҡа ҡыҙыҡһыныу уятыу.
Былар барыһы ла Рәсәйҙә спортты үҫтереү программаһы һәм "Оҙайлы әүҙем тормош" милли проекты маҡсаттарына тура килә.
Фото: Контента | Инфоповод
Бәләкәстәр ҙә ГТО тапшыра
Новости партнеров