"Бурысыбыҙ – балаларға үҙҙәрен кәрәкле итеп тойорға ярҙам итеү"

– Беҙҙең бурыс – реабилитация үткән балаларға социалләшергә, үҙҙәренең кәрәкле булыуын тойорға һәм йәмғиәттә башҡалар менән тиң йәшәү һәм эшләү мөмкинлеген алырға ярҙам итеү, – тине Дәүләт Йыйылышы Рәйесе. Константин Толкачев үҙәк менән яҡынданыраҡ танышты, уны учреждение директоры Милана Скоробогатова оҙатып йөрөнө.
2024 йылдың октябрендә асылған "Салют" үҙәге стационар формала (21 көнлөк курс) һәм көндөҙгө стационарҙа (14 көнлөк курс) реабилитация үткәрә.
Парламент етәксеһе йәш пациенттарҙың ата-әсәләре менән дә осрашты. Улар күмәкләп бында күрһәтелгән хеҙмәттәрҙең сифатын күтәреү, шул иҫәптән инвалид балаларҙың йәйге ялын ойоштороу мәсьәләләрен тикшерҙе.

Сығанаҡ, фото: БР Дәүләт Йыйылышы - Ҡоролтай