Бәлә бер үҙе йөрөмәй

Ял көндәрендә Башҡортостан юлдарында юл фажиғәһендә ике йәйәүле һәләк була. Был хаҡта БР Дәүләт автоинспекция башлығы Владимир Севастьянов хәбәр итте.

 Шәмбе, 15 ноябрҙә, Мәсетле районының Беренсе Май урамындағы Оло Ыҡтамаҡ ауылында 21 йәшлек Chevrolet Lanos водителе йәйәүлене бәрҙерә.

Ауыр йәрәхәттәр алған ҡатын дауаханаға оҙатыла, әммә бер аҙҙан вафат була.

Йәкшәмбе, 16 ноябрҙә, кис Благовещен районында Lada Niva автомобиле водителе Өфөнөң көнбайыш урау юлының 53 саҡрымында юл буйлап китеп барған йәйәүлене бәрҙергән.

Йәйәүле ваҡиға урынында вафат була. Әлеге ваҡытта авария нескәлектәре асыҡлана.