+22 °С
Ямғыр
Яңылыҡтар таҫмаһы
6 Ноябрь 2025, 12:00
Тамағығыҙ ауыртһа...
Тамағығыҙ ауырта башлау менән йышыраҡ сайҡатығыҙ, һөҙөмтә оҙаҡ көттөрмәҫ. Бының өсөн аш сода менән генә сикләнергә кәрәкмәй.
Тамағығыҙ ауыртһа...
- Диңгеҙ һәм аш тоҙо иретмәһе менән (бер стакан һыуға бер балғалаҡ);
- сөгөлдөр һуты менән;
- алма һеркәһе иретмәһе менән (бер стакан һыуға бер ҡалаҡ);
- петрушка тамыры төнәтмәһе менән (петрушканы бер сәғәт һыуҙа бешерергә);
- сөгөлдөрҙө ҡырғыстан үткәреп, бер стакан һутын һығып алырға һәм шуға бер ҡалаҡ алма һеркәһе ҡушып, 5 – 6 сәғәт төнәтергә. Һуңынан көнөнә 3 – 5 тапҡыр ошо төнәтмә менән тамаҡты сайҡатырға. Көнөнә өс тапҡыр икешәр ҡалаҡ эсергә мөмкин.
- бер стакан йылы һыуға бер балғалаҡ аш содаһы, бер балғалаҡ тоҙ һәм бер нисә тамсы йод ҡушып, тамаҡты сайҡатырға;
- һуған ҡабығы төнәтмәһе менән. Бер – ике ҡалаҡ кипкән һуған ҡабығына бер стакан ҡайнар һыу ҡойоп, 30 минут төнәтергә һәм һөҙөп алырға. Көнөнә 3 – 5 тапҡыр ошо төнәтмә менән тамаҡты сайҡатырға. Бер нисә тамсы эсергә лә ярай.
- Ҡайын дегете менән. Бер стакан ҡайнар һыуға биш тамсы ҡайын дегете ҡушып, бер һыуытырға һәм һөҙөп алырға. Тамаҡты көнөнә биш тапҡыр ошо төнәтмә менән тамаҡты сайҡатырға. Ауыҙҙа 3 – 5 минут тотоп торғанда, файҙаһы тағы ла күберәк.
