Торатау итәгендә "Дуҫлыҡ аллеяһы"на нигеҙ һалынды

 Геопарк хеҙмәткәрҙәре «Йәшел Башҡортостан» ойошмаһы вәкилдәре менән берлектә Торатау итәгендә 100 ҡарағай һәм шыршы ағасы ултыртты. Шулай итеп, яңы йәшел зонаға нигеҙ һалынды, уға «Дуҫлыҡ аллеяһы» тигән исеме бирелде. 

— Геопарк — ул биләмәне индустрияһыҙ үҫтереү формаһы.  Беҙ әлеге көнгә килеп еткән мираҫты һаҡлап алып ҡына ҡалмайбыҙ, ә төрлө ысулдар менән – белем биреү программаларынан башлап ағас ултыртыуға тиклем – экологияға үҙ өлөшөбөҙҙө индерергә тырышабыҙ.  —  ти «Торатау» геопаркының генераль директоры Заһир Хәмиҙуллин. 

Фото:Башинформ.