Матур булғығыҙ килһә...

   Ваҡыты-ваҡыты менән ромашка төнәтмәһе менән укроп һыуы эсеү  яҡшы һөҙөмтә бирә. Икенсенән,  дарыу үләндәренән һәм әсе еләк-емештән, йәшелсәнән биткә япмалар ябыу файҙалы. Ҡулланыр алдынан уларҙы бер аҙ һыуытып алырға онотмағыҙ. Кемдең тиреһе майлы, уларға һуттарға – йомортҡа ағын,  ә кемдәрҙең тиреһе ҡоро – һарыһын  ҡушып ҡулланырға кәңәш ителә. 

1. Ромашка. Төнәтмәһенән әҙерләнгән япманы биттең ҡыҙарыуы кәмегәнсе көн һайын эшләргә кәрәк. Һуңынан – көн аша, артабан – аҙнаһына ике тапҡыр.
2. Мүк еләге. Һутына манып алынған салфетканы 10 минутҡа биткә ябып торорға.
3. Эт дегәнәге (череда). Һыу ҡушып (1:30) төнәтмә әҙерләргә һәм  шулай уҡ туҡыманы шунда манып алып, биткә ябырға.
4. Алоэ. Һутына тигеҙ күләмдә һыу ҡушып бутарға. Салфетканы  манып алып, 10 – 15 минутҡа биткә ябырға.  Көн аша  20 – 25 процедура эшләргә.
5. Ҡара ҡарағат, помидорҙы битлек эшләү өсөн ҡулланырға мөмкин. Бының өсөн уларҙы иҙеп, битегеҙгә һылағыҙ.