Ҡыҙым, ҡыҙым, ҡыҙғынам...

Ҡыҙым минең, ҡыҙғынам,
Баҙлап торған ҡуҙғынам.
Шул ҡуҙыңды йәндәй һаҡлап,
Башҡаларҙан ҡыҙғанам.
Һүндермәйсә утыңды,
Һаҡлап йылы ҡотоңдо
Йәшәтһәсе яҙмышҡайың
Ҡурсып тормош һутыңды.
Берҙән-берем, бер генәм,
Көтөп алған гөл генәм.
Бишектән үк сер бүлешеп,
Көлөп ятҡан үҙгенәм.
Төҫөм минең, ҡыҙсығым,
Кинәнер уйынсығым.
Мин бит Әсә, ҡыҙ балала -
Өмөтөм, йыуанысым.

Светлана НАСЫРОВА.