Иң тәмле ҡымыҙҙы ҡайҙа бешәләр?

"Берҙәм Рәсәй" партияһының "Үҙебеҙҙекен һайла" проекты буйынса республика конкурсының баһалама комиссияһына БДАУ, БДМУ, "Роспотребнадзор" белгестәре, шулай уҡ «Башҡорт аты» ғилми-тикшеренеү институты эксперттары ингән. Конкурсты ойоштороуҙа әлеге институтҡа БР Ауыл хужалығы министрлығы булышлыҡ иткән.

Жюри һығымтаһы шундай: иң шәп ҡымыҙ Башҡортостандың көньяҡ-көнсығыш төбәгендә әҙерләнә.

Баймаҡ районының "ЭкоПродукт" компанияһы бешкән ҡымыҙ иң яҡшылар араһында иң яҡшыһы булып танылған. Икенсе урында - Стәрлебаштан Алмаз Рәхимғолов, Йәрмәкәйҙән Зөбәйер Гаджиев. Өсөнсө урынды Әлшәй районынан Азат Ғарифуллин менән Өфөнөң 119-сы йылҡысылыҡ заводы бүлешкән.

Фото: асыҡ сығанаҡтарҙан һәм bashkortostan.er.ru