Бүздәк яугирҙарын иҫкә алып...

Төбәк етәксеһе һалдат ғаиләләренең ҡайғыһын уртаҡлашты һәм егеттәрҙең яуҙа күрһәткән батырлығы өсөн үлгәндән һуң наградланған Генерал Шайморатов орденын тапшырҙы.

— Ата-әсәләргә рәхмәт әйтәм — һеҙ ысын ир-егеттәр, илһөйәрҙәр үҫтергәнһегеҙ. Егеттәр Тыуған ил өсөн ғүмерҙәрен бирҙе. Улар беҙҙең геройҙарыбыҙ. Һәм улар беҙҙең хәтерҙә мәңге һаҡланыр, – тине Радий Хәбиров. — Яугирҙәрҙең ғаиләләре хаҡында мотлаҡ хәстәрлек күрәсәкбеҙ. Ә махсус хәрби операция тамамланғас, Өфөлә Башҡортостандан һәләк булған яугирҙәр иҫтәлегенә мемориал урынлаштырасаҡбыҙ. Райондарҙа ла хәтерҙе мәңгеләштереү буйынса эш алып барырбыҙ – обелисктар, аллеялар барлыҡҡа киләсәк.

Ул шулай уҡ яугирҙар һәм яуҙа һәләк булғандарға күрһәтелгән ярҙамдар, льготалар тураһында ла һөйләп үтте.