Табиптар ҡайҙа ла ғүмер өсөн көрәшә

Республика клиникалары хеҙмәткәрҙәре, табиптар һәм шәфҡәт туташтары бригадалары, зыян күреүселәргә өсәр ай махсус ярҙам күрһәтә.

Табип-кардиолог Тимур Тимербулатов медицина десанты составында 2023 йылдың аҙағында Луганск Халыҡ Республикаһында, Красный Луч ҡалаһының поликлиникаһында, эшләгән.

Табиптың һөйләүенсә, улар ябай граждандарҙы ла, хәрбиҙәрҙе лә тикшергән, күрше ҡалаларҙа ла эшләгәндәр. Көн һайын 20-нән алып 40-ҡа тиклем кешене ҡабул иткән Тимур. Һуғышты күргәс, ул хәрби хеҙмәткәрҙәргә тыныс йәшәй алыуыбыҙ өсөн тәрән рәхмәтле.

Табиптарҙың һәм урта медицина персоналының профессионализмы, батырлығы һәм ҡыйыулығы арҡаһында йөҙләгән яралыларға һәм ауырыуҙарға медицина ярҙамы күрһәтелә. Яңыраҡ табиптар, шул иҫәптән Тимур Тимербулатов та, Лука Крымский миҙалы менән бүләкләнгән. Награданы уларға Башҡортостан Республикаһы Башлығы Радий Хәбиров тапшыра. Лука Крымский миҙалы Рәсәй Федерацияһының һаулыҡ һаҡлау өлкәһендәге ҡаҙаныштары өсөн бирелгән дәүләт наградаһы. 

- Табиптар ҙа, яугирҙар кеүек үк, үҙ ғүмерҙәрен хәүеф аҫтына ҡуя, һәм беҙ уларҙың ҡаҙаныштары менән ғорурланабыҙ. Кеше ғүмерен һәм һаулығын ҡотҡарыу өсөн ныҡышмалы һәм фиҙаҡәр рәүештә, үҙ бурысын тойоп, геройҙарыбыҙ өйҙәренән алыҫ эшләүен дауам итә һәм бөгөн медицина ярҙамына мохтаж булғандарға ярҙамлаша. Ҡыйыу табиптарға һәм шәфҡәт туташтарына еңел эш һәм тиҙерәк имен ҡайтыуҙарын теләйбеҙ, - тип яҙа Стәрлебаштан хеҙмәттәшебеҙ Мөнирә Әһлиуллина.

Фото: https://sterlibashevskierodniki.ru/articles/common_material/2025-05-26/medal-i-stihi-ot-blagodarnyh-patsientov-4250023