Өндәшәһем килә

Нисек итеп йөрәк онотһон
Иң ҡәҙерле ғәзиз кешеңде.
Һағыныуҙан йән әрнегән саҡта
Тик түҙергә, ҡыҫып тешеңде.

Йыйырсыҡлы ҡулдарыңдан үбеп,
Сал сәстәрең килә һыйпайһым.
Бер миҙгелгә бала саҡҡа ҡайтып,
Итәгеңдә һинең уйнайһым...

Һағынам да, ҡәбереңә киләм,
Күҙ йәштәрем йотоп өндәшәм.
Яҙмыш еле йығам тиеп иҫһә,
Һинең менән, әсәй, серләшәм...

Хәлиҙә Әсхәҙуллина