«Илһөйәр Бәҙретдинова йырсы ғына түгел!"

Кисә Өфөлә Илһөйәр Бәҙретдинова  концерт миҙгелен япты.

– Илһөйәр Бәҙретдинова йырсы ғына түгел, ул  – оло энергетикаға эйә кеше. Ул – мине, улымды, ғаиләмде яңынан тормошҡа ҡайтарыусы кеше. Һеҙҙең гөлдәр яратҡанығыҙҙы беләм, үҙем үҫтергән яран гөлө, алама энергияны ҡыуыусы. Үҙем бәләгә тарығас, 20 төрҙән аныу  әлеге гөлдәрем бер көндә һулып бөттө. Шулай мине һаҡлап ҡалғандарҙыр. Улым Самир үҙ аҡсаһына ҡош-ҡорт алып үҫтерҙе, унан һеҙ ҙә ауыҙ итегеҙ. Башҡортостан егеттәренән өйрәк. Һеҙгә теге уртаса ғына тормош иптәшен дә табырға кәрәк. Шуға бирнә йыя башланыҡ, – тип яратҡан йырсыһына бүләктәрен тапшырҙы.

Әйткәндәй, Илһөйәр Бәҙретдинованы күптәр көслө энергиялы ҡатын-ҡыҙ булғаны өсөн ярата, һеҙ ҙә уның ошо үҙенсәлеген һиҙәһегеҙме?