«Ҡатыныңдың «итәге аҫтында» йәшәйһеңме?»

Яңыраҡ «ТНВ»  телеканалында барған «Ә һин?» тапшырыуында йырсы-башҡарыусы Вилдан Шәмсетдиновҡа (Виллиға) үрҙәге һорауҙы биргәндәр.

Вилдан да юғалып ҡалмай, тос яуап ҡайтара.

– Эйе. Шулай «итәк аҫтында» йөрөү рәхәт бит, – ти ул.

– Һин яуабың менән шаҡ ҡатырҙың әле. Тормошта ир-егетте башҡа статуста күрәләр. Ысын ғаилә башлығы «итәк аҫтында» йәшәргә тейеш түгел, тигән һүҙ бар.

– Һәр ир-ат үҙен «итәк аҫтында» тип ҡатын-ҡыҙға тойорға мөмкинлек бирергә тейеш.

– Ә һинең позицияң ниндәй? Әллә һин шулай уйларға ерлек тыуҙыраһыңмы, әллә был –ысынлап та шулаймы?

– Белмәйем, нисек булһа ла… Нормально, мин уны насар тип уйламайым.

– Был – Гөлназ һүҙенән сыҡмау, Гөлназ нимә әйтә – шуны эшләү, тип атала. Нимәлер эшләр алдынан Гөлназдан рөхсәт һорау була. «Итәк аҫтында» йәшәү шуны аңлата. Гөлназ хужамы улайһа?

– Әле һеҙ әйткән һүҙҙәр – «итәк аҫтында» тигән һүҙҙәр түгел. Был – нормаль ғаилә тормошо.

– Юҡ инде, һуңғы һүҙҙе ир-егет әйтергә тейеш.

– Гөлназ әйтә, мин дә «эйе» тип әйтеп ҡуям.

– Үҙең берәй нәмә эшләр алдынан Гөлназдан рөхсәт һорайһыңмы?

–  Ултырып һөйләшәбеҙ инде. Беҙҙең яйлы бара бындай эштәр.

– Нимәнелер дөрөҫ эшләмәһәң, Гөлназ һине һүгәме?

– Әйтә инде, һүгә. Ә кемдең ҡатыны һүкмәй һуң?

– Миндә икеле тойғо… Вилданға ышанырғамы, юҡмы?– тип бөтә әңгәмә.

Ә һеҙ нисек уйлайһығыҙ, дуҫтар?!