Өфөгә "Әкиәт" килде!

Ҡазан театры Өфө тамашасыларына биш тамаша тәҡдим итә. Бөгөн ҡуйыласаҡ "Әлдермештән Әлмәндәр" (Т. Миңнуллин) һәм иртәгә уйналасаҡ "Әҙәмдәр" (Ғ. Ибраһимов) спектаклдәре ололар өсөн. 11 апрелдә көндөҙ кескәй балалар өсөн "Кәрлә - мәктәп балаһы" спектакле күрһәтелә. Был өс спектакль дә татар телендә уйнала.

Данлыҡлы "Ал сәскә" (С. Аксаков) һәм "Көлһылыу" (Е. Шварц) әкиәттәре рус телендә уйнала. Улар 12 - 13 апрелдә, көндөҙ уйнала.

Әйткәндәй, был алмаш гастролдәр проекты. Әлеге ваҡытта Башҡорт дәүләт ҡурсаҡ театры Ҡазанда сығыш яһай. Беҙҙекеләр Татарстан тамашасыларына "Етем төлкө", "Ал сәскә", "Айболит һәм дуҫтарының мажаралары" әкиәттәрен һәм "Алтын битлек" Милли театр премияһына тәҡдим ителгән "Аҡбуҙат" спектаклен күрһәтәсәк.