Матур ауылда күркәм байрам

- Ураҙа байрамыбыҙ мөбәрәк булһын, тотҡан ураҙаларыбыҙ сауаплы булһын!

Бөрйән районы Ҡотан ауылында үҙенә йәлеп итеп торған мәсетебеҙ бар, бөгөн барлыҡ ауыл халҡы иртәнән шунда ағылды.

Иртәнге Ғәйет намаҙын Хәбир Кәбир улы Ырыҫбаев үткәрҙе, вәғәздәр һөйләне. Фәһемле, күңелгә үтеп инерлек булды уның һөйләгән вәғәздәре.

Иртәнге Ғәйет намаҙынан һуң байрам өлөшө башланды.

Ураҙа - күңелдәргә сафлыҡ, күркәмлек өҫтәгән, изгелек нурҙарын бөрккән әйтеп, аңлатып бөтөрмәҫлек оло байрам ул!  

Киләһе йылда ла теүәл генә Рамаҙан айын ҡаршыларға яҙһын, донъялар имен торһон!

Әлфирә Фәйзулла ҡыҙы Ғәлина.