Ыҡ йылғаһы ташырға самалай!

Яҙғы ташҡынға бәйле яңылыҡтар менән бүлешәбеҙ.

Уҙған тәүлектә 112 системаһының саҡырыуҙарҙы эшкәртеү үҙәгенә Өфө, Балтас һәм Ауырғазы райондарында һыу баҫыу тураһында 3 хәбәр килә.

Өфө ҡалаһы, Архангел һәм Шишмә райондарында 6 хәл контролдә ҡала.

Тәүлек эсендә һыу кимәленең иң юғарыға күтәрелеүе түбәндәге йылғаларҙа билдәләнә:

- Баҡалы районының Нуғайбәк ауылы янында Ыҡ йылғаһында, тәүлек эсендә һыу кимәле үҫеше +19 см, ағымдағы кимәле 400 см, йылғаның һыубаҫар туғайға сығыуы 410 см;
- Нуриман районының Ҡыҙыл Тамағы ауылы янында Өфө йылғаһында, тәүлек эсендә һыу кимәле динамикаһы +15 см, ағымдағы кимәле 362 см, йылғаның һыубаҫар туғайға сығыуы 760 см;
- Шишмә районының Бочкарев ауылы янында Дим йылғаһында, тәүлек эсендә һыу кимәле динамикаһы +12 см, ағымдағы кимәле 415 см, йылғаның һыубаҫар туғайға сығыуы 520 см;
- Өфө ҡалаһының Шаҡша районында Ҡариҙел йылғаһында, тәүлек эсендә һыу кимәле динамикаһы +11 сантиметр, ағымдағы кимәле 292 сантиметр, йылғаның һыубаҫар туғайға сығыуы 830 сантиметр.

Һыу кимәленең түбәнәйеүе күҙәтелә:

Ә Өфө ҡалаһы янында Ағиҙел йылғаһында һыу - 44 сантиметрға, Салауат районының Сулпан ауылы янында Йүрүҙән йылғаһында 9 сантиметрға  кәмегән.

Хәлде контролдә тотабыҙ, Йомағужа һәм Нөгөш һыуһаҡлағыстары тултырыу режимында эшләй, Павловка һыуһаҡлағысы - ағыҙыу режимында, тип хәбәр итә Башҡортостандың Ғәҙәттән тыш хәлдәр буйынса дәүләт комитеты.

Фото: https://web.telegram.org/k/#@goskomitet_rb_po_chs