Гидротехник ҡоролмаларҙың торошо ҡәнәғәтләнерлек

Республиканың һыуһаҡлағыстарында авария хәүефе юҡ. Павловка, Йомағужа, Нөгөш - барыһы ла үҙ бурысын атҡара.

Башҡортостандың һыуһаҡлағыстарында "Экологик именлек" милли проектына ярашлы, һыу объекттарының торошон яҡшыртыу буйынса саралар уҙғарыла.

Әле һыуһаҡлағыстарға һыу тула. Көньяҡ зонала - Юшатыр, Көйөргәҙе, Урал зонаһында - Әүжән, Ҡағы, Үҙән, Тирлән һыуһаҡлағыстары тулған, һыуҙы ағыҙыу бара.

Көнбайыш зоналағы Шаран һыуһаҡлағысы ла тулған, һыу ағыҙыла. Туймазы, Йәрмәкәй, Ауырғазы, Дәүләкән, Аҡманай, Аҡкүл, Төньяҡ зонала Мәсетле, Балаҡатайҙағы һыуһаҡлағыстар ҙа контролдә. Республитаның көньяҡ-көнсығыш төбәгендәге ҙур техник һыу объекттары ла режимда эшләй. Белгестәр белдереүенсә, авария хәүефе юҡ.

Әйткәндәй, республикала 524 гидротехник быуа һәм һыуһаҡлағыс бар.

Фото: Министерство природопользования и экологии Республики Башкортостан.

Автор:Алһыу Ишемғолова

Читайте нас:

Ултыр беҙҙең арбаға!

"Йәшлек" гәзитенең "Телеграм"дағы каналына ҡушыл, дуҫ!