Заманса лаборатория асылды

Өфөлә "Агробиотехнологиялар" ғилми лабораторияһы эшләй башланы. Ул - Башҡорт дәүләт аграр университеты һәм уҡыу йортоноң индустриаль партнеры булған "Рассвет" предприятиеһының уртаҡ проекты.

Ғилми-техник проекттарға булышлыҡ итеү, ғилми ойошмаларҙы матди-техник ҡорамалдар менән тәьмин итеү хәҙер "Аҙыҡ-түлек хәүефһеҙлеген технологик тәьмин итеү" милли проекты буйынса ғәмәлгә ашырыла.

Аграр тармаҡта юғары технологияларҙы үҙләштереү, әүҙем ҡулланыу генетика, селекция өлкәһендәге сит ил тауарҙарына ихтыяжды кәметә.

Яңы лаборатория Евразия ғилми-мәғариф үҙәгенең вуз-ара кампусы базаһында эшләй. Уның хеҙмәткәрҙәре ҡаты бойҙай һәм борсаҡтың яңы төрҙәрен тиҙәйтелгән селекция ысулы ярҙамында алыу буйынса эш алып барасаҡ. Бының өсөн БДАУ-ҙа уйлап табылған "Фитотрон" климат камераһы ҡулланыла.
Фото: Министерство сельского хозяйства Республики Башкортостан.

Автор:Алһыу Ишемғолова

Читайте нас:

Ултыр беҙҙең арбаға!

"Йәшлек" гәзитенең "Телеграм"дағы каналына ҡушыл, дуҫ!