+2 °С
Болотло
Бөтә яңылыҡтар
10
Яңылыҡтар таҫмаһы
26 Март , 10:00
Талпан ҡаҙалһа...
Талпан ҡаҙалһа, уны нисек тә сығарып алыу сараһын күреергә кәрәк. Әммә бик һаҡ эш итергә кәрәк.
Талпан ҡаҙалһа...
- Талпандың күренеп торған осона көнбағыш майы һөртөгөҙ. Тын алыу юлдары ҡойроғонда урынлашыу сәбәпле, уға тын алыу ауырлаша башлаясаҡ һәм күпмелер ваҡыттан үҙенән-үҙе килеп сығасаҡ. Бик тә булмаһа, ипләп кенә тартып алығыҙ.
- Көнбағыш майы урынына кәрәсин һөртөргә лә була. 10 – 15 минуттан талпан төшөргә тейеш.
- Ҡаш йолҡа торған ҡыҫҡыс менән әкрен генә сәғәт уғына ҡаршы бороғоҙ
- Шприцтың өҫтөн мөмкин тиклем тигеҙ итеп ҡырҡып алырға һәм ҡырҡылған яғы менән талпан ҡаҙалған урынға ҡуйып, өҫкә һурҙырырға. Баҫым аҫтында талпан еңел генә тартып алынасаҡ. Тик уны мотлаҡ санэпидстанцияға анализға тапшырырға кәрәк.
- Талпанды сығарғанда биткә битлек кейеү мөһим, сөнки бөжәк һытылһа, ҡаны менән бергә һауаға вируслы аэрозоль тарала һәм ул тын алыу юлдарына инеп, аллергия тыуҙырыуы ихтимал.
- Тартып алғанда талпандың башы өҙөлөп, тире аҫтында ҡалһа, шул урынды спиртлы мамыҡ йәиһә бинт менән һөртөгөҙ, аҙаҡ стерилләнгән энә менән башын тартып сығарығыҙ.
- Тартып алынған талпанды быяла һауытҡа һалып, ҡапҡасын ябып, махсус лабораторияға алып барып тикшертегеҙ йәиһә яндырығыҙ.
-
Тулыһынса тынысланыу өсөн талпан ҡаҙалғандан һуң ун көн үтеүгә боррелиоз һәм энцефалитҡа анализ тапшырығыҙ.
-
Тағы 2 – 3 аҙнанан һуң, иммунитетығыҙҙы асыҡлау өсөн өҫтәмә рәүештә талпан энцефалиты һәм бореллиоз вирусына антитәнсәләргә анализ тапшырығыҙ.
Читайте нас:
Шулай уҡ уҡығыҙ
