Яугирҙарға гуманитар ярҙам да алып барғандар, наградалар ҙа тапшырғандар

Дыуан районы хакимиәте башлығы Фаил Мөхәмәҙиев махсус хәрби операция биләмәһендәге яҡташтары менән осрашыуы тураһында хәбәр итә.

Район башлығы Донбассҡа БР Башлығы егеттәргә яуҙа кәрәкле гуманитар ылау - маскировка селтәрҙәре, эсәр һыу, таҡталар, төҙөлөш материалдары, шиндар, шәхси посылкалар - алып барған.

Һәм ул БР Башлығы Радий Хәбировтың ҡушыуы буйынса бер төркөм батыр яугирға Шайморатов генерал миҙалдарын тапшырған.

"МХО-ла ҡатнашыусылар ярҙам йыйыусы һәр кемгә ҙур рәхмәтен әйтте. Улар тылда ныҡлы еребеҙ, яҡын кешеләре терәк булыуын, ышаныуын яҡшы белә", тип яҙған Фаил Мөхәмәҙиев социаль селтәрҙә.

Яугирҙар имен-һау ҡайтһын! Еңеү көтәбеҙ!

Фото: telegram-канал главы администрации Дуванского района Фаиля Мухамадеева.

Автор:Алһыу Ишемғолова

Читайте нас:

Ултыр беҙҙең арбаға!

"Йәшлек" гәзитенең "Телеграм"дағы каналына ҡушыл, дуҫ!