Ташҡын буйынса хәлде Радий Хәбиров контролдә тота

- Был һәм башҡа ҙур һыу менән бәйле хәлдәрҙе беҙ махсус контролдә тотабыҙ. Архангел районынан тыш, Белорет, Благовар, Ғафури райондарында йорт яны участкалары, 12 юл участкаһы һәм ике күпер һыу аҫтында ҡалған. Әгәр һеҙ һыу баҫыу зонаһына эләкһәгеҙ, 112-гә шылтыратығыҙ, - тип яҙҙы республика етәксеһе социаль селтәрҙә.

Иҫегеҙгә төшөрәбеҙ, Аҙау ауылында ярҙарынан сыҡҡан Инйәр йылғаһы ихаталарҙы, торлаҡ йорттарҙы һыу баҫҡан. Урында оператив штаб эшләй.

Ҡотҡарыусылар 103 кешене эвакуациялай, уларҙың 80-ен, шул иҫәптән 17 баланы, ваҡытлыса урынлаштырыу пункттарына алып китәләр. Радий Хәбиров хәбәр итеүенсә, кешеләр йылы аш һәм бөтә кәрәкле нәмәләр менән тәьмин ителгән. Ауыл халҡы менән психологтар һәм социаль хеҙмәткәрҙәр эшләй. Эвакуация дауам итә.

Фото: https://vk.com/wall413272232_1398143