Ришат Төхвәтуллиндың ҡайғыһын уртаҡлашабыҙ

– Беҙҙең арала бер яҡын инәйебеҙ бар ине. Гөлзидә апай… Мин Арсала концерттар ҡуйырға барғандан бирле йыл һайын беҙҙе ҡаршы ала ине. Өсбосмаҡтар бешереп, 3 литрлыҡ банкаға алма, бал һалып, тәмле сәйҙәр яһап, бөтә төркөмөбөҙҙө һыйлай ине. Бына шул Гөлзидә инәйебеҙ яман шеш менән ауырып китеп барҙы…

Һуңғы көндәрендә шылтыраттым үҙенә, хәлдәрен белештем. Инде йүнләп һөйләшә алмай ине. Минең тауышымды ишеткәс, күҙҙәренән йәштәр сыҡты, миңә нимәлер әйтергә теләгәнен аңланым.

Быйыл Арсала беренсе концерт, ә Гөлзидә инәйебеҙ юҡ. Беҙҙе үҙ балаһындай яҡын итә ине. Урыны ожмахта булһын. Бик яраттыҡ беҙ уны, – тип һөйләй Ришат социаль селтәренә яҙылыусыларға.