Баҡсалағы ағастарығыҙ нисек ҡышлаған?

 Уларҙың ботаҡтарын һәм ботаҡ төптәрен «Защита» аҡлағысы һәм эзбиз менән эшкәртегеҙ. Ай аҙағында сысҡандарға ҡаршы ҡуйылған әйберҙәрҙе алығыҙ. Йылы көндә алмағас, грушаларҙың ҡороған ботаҡтарын ҡырҡырға мөмкин. Ҡоротҡостар булмаһын өсөн 700 г мочевинаны бер биҙрә һыуҙа иретеп , ағастарға, тупраҡҡа һибегеҙ. Уның урынына хатта ябай аш тоҙон да ҡулланырға ла мөмкин.10 литр һыуға 1 кг аш тоҙо алына. Әгәр ҙә ағастарҙа мүк үҫә башлаһа, уларҙы һут ағышы башланғанға тиклем 7 – 8 процентлы тимер купоросы иретмәһе менән эшкәртегеҙ. Өс көн дә үтмәҫ, улар ҡубып төшөр.

 Ағас олонондағы яраларҙы баҡса һағыҙы ( петролатум) йәки әлиф нигеҙендә эшләнгән майлы буяу  менән буяп ҡуйығыҙ. Киҫеп алынған ботаҡтарҙы яндырығыҙ.