+22 °С
Ямғыр
Яңылыҡтар таҫмаһы
12 Март 2025, 12:14
Аҡһаҡалдар ҡорға йыйылды
Күгәрсен районының Тәүәкән ауылында Аҡһаҡалдар ҡоро барлыҡҡа килде, тип хәбәр итәләр ауылдан. Бик мәслихәт! Элек һәр ауылда әүҙем эшләгән бындай ҡор.
Аҡһаҡалдар ҡорға йыйылды
Тәүәкән ауылының "Бәйләнештә" селтәрендәге төркөмөндә былай тип яҙалар:
"Элек-электән ауыл, ырыу аҡһаҡалдары булған. Иң абруйлы һүҙ уларҙыҡы һаналған. Тормошобоҙҙағы эскелек афәте күптәрҙе уйландыра. Ғаилә ҡороу мәсьәләһе лә көнүҙәк булып тора. Әлбиттә, хәл итәһе мәсьәләләре аҙ түгел. Нәҡ ошоға бәйле, ир-уҙамандар ҡорға йыйылды. Ауыл халҡын борсоған мәсьәләләрҙең кәңәшләшеп эшләй торғандары байтаҡ. Ошоно иҫәпкә алып Аҡһаҡалдар ҡоро ойошторолдо".
Аҡһаҡалдарға ауыл мәнфәғәтенә эшмәкәрлектәрендә уңыштар!
Әйткәндәй, тәүәкәндәр "Айыҡ ауыл" республика конкурсында район данын яҡлай. Айыҡлыҡҡа юл - бәхеткә һәм муллыҡҡа юл ул. Ниәтегеҙ тормошҡа ашһын!
Аҡһаҡалдар ҡорға йыйылды
