Башығыҙ ҡайҙа, кешеләр?!

Эске эштәр министрлығы органдарына мутлашыу тураһында 31 ғариза килә.

Өфөнән 29 йәшлек ҡатын "финанс аналитик"ка ышанып, 3,5 миллион һум юғалта: ир инвестициялар аша тиҙ табыш вәғәҙә итә. Ҡатын сайтта теркәлә, шылтыратыусының күрһәтмәләре буйынса иҫәп-хисабын тулыландыра, әммә бөтә алдаҡ булып сыға.

Икенсе осраҡ Мәсетле районында йәшәгән 49 йәшлек ир менән булған. Мутлашыусы үҙен "элемтә компанияһы хеҙмәткәре" тип таныштырып, ирҙе паспорт мәғлүмәттәрен бирергә күндерә, ә һуңынан енәйәтселәр уның исеменә кредит алып, 1,5 миллион һум аҡсаһын урлай.

Полиция иҫкәртә: таныш булмаған кешеләргә аҡса, шәхси мәғлүмәттәрҙе бирмәгеҙ, смс-хәбәрҙәрҙән кодтарҙы әйтмәгеҙ. Мутлашыусылар шылтыратһа, һөйләшеүҙе өҙөгөҙ!

Фото: асыҡ сығанаҡтарҙан.