Баш-баштаҡлыҡҡа урын юҡ

Медиакиңлектә мониторинг барышында йәштәр төркөмөнөң Өфө ҡалаһындағы төнгө клуб янында күпләп ыҙғыш-талаш ойошторғаны тураһында мәғлүмәт асыҡлана. Бынан тыш, конфликтта ҡатнашыусыларҙың береһе ваҡиға урынына килгән Росгвардия хеҙмәткәренә ҡарата физик көс ҡуллана. Был факт буйынса Өфө ҡалаһы буйынса Ленин район-ара тәфтиш бүлеге ике сит ил гражданына ҡарата енәйәт эше ҡуҙғата, улар бер производствоға берләштерелә. Һәр береһенең роленә һәм ҡатнашыу дәрәжәһенә ҡарап, улар бер төркөм кешеләр тарафынан хулиганлыҡта (РФ Енәйәт кодексының 213-сө статьяһының 2-се өлөшө) һәм власть вәкиленә ҡарата кеше ғүмере йәки һаулығы өсөн хәүефле булмаған көс ҡулланыуҙа (РФ Енәйәт кодексының 318-се статьяһының 1-се өлөшө) ғәйепләнә. Тиҙҙән фигуранттар тәфтишсегә тәүге тикшереү эштәрен башҡарыу өсөн килтереләсәк. Тикшереү сиктәрендә ваҡиғаның бөтә шарттары асыҡлана, дәлилдәр базаһы йыйыла, конфликтта ҡатнашыусыларҙы асыҡлау өсөн саралар күрелә.

Фото: БР Тәфтиш комитеты.