Тиҙ генә байып китергә уйлаған...

Рәсәй Эске эштәр министрлығының Борай районы буйынса бүлегенә 24 йәшлек урындағы кеше мутлашыу тураһында ғариза менән мөрәжәғәт итә. Был егет акцияларҙа инвестицияларҙан пассив килем вәғәҙә иткән мутлашыусыларҙың ҡорбаны була. Үткән йылдың ноябрендә уға махсус белем талап итмәгән эш тәҡдим итәләр. Шылтыратыусылар ҡиммәтле ҡағыҙҙар идаралығынан консультациялар бирергә вәғәҙәләйҙәр. Муттарға ышанып, егет уларға кредитҡа алынған ике миллион һум аҡса бирә (аҡса "инвестиция консультанттарына" ебәреү өсөн курьерҙарға тапшырыла).

Аферистар тарафынан асылған ялған иҫәптә башта акцияларҙың үҫеше графиктары күрһәтелә, әммә табышты сығарыу мөмкин булмай.

Кредиттарҙы түләргә ваҡыт етеп, "брокерҙар" бәйләнешкә сыҡмай башлағас ҡына, егет алданғанын аңлай.

Мутлашыу факты буйынса енәйәт эше ҡуҙғатылған.

Башҡортостан Республикаһы буйынса Эске эштәр министрлығы граждандарҙы уяу булырға саҡыра! Еңел һәм тиҙ табыш вәғәҙә иткән сит кешеләргә ышанмағыҙ. Шикле проекттарға аҡса һалмағыҙ һәм инвестициялар өсөн кредит алмағыҙ. Шуны иҫтә тотоғоҙ: мутлашыусылар һеҙҙе алдау өсөн төрлө хәйләләр ҡуллана ала. Башҡортостан Республикаһы буйынса Эске эштәр министрлығының матбуғат хеҙмәте.

Фото: асыҡ сығанаҡтарҙан.