+15 °С
Ясно
Яңылыҡтар таҫмаһы
16 Января 2025, 08:20
«Һине һағынғанда»
Буранбай ИСҠУЖИН һүҙҙәре, Юлай Асҡаров башҡара. Ҡыштарын көтмәйем һине, — Ҡыш ҡабаланмайһыңдыр, Көрттән ҡалын уйҙарыңдан Йырыла алмайһыңдыр.
Яҙҙарға ышанысым юҡ,-
Яҙ көнө уйнайһыңдыр,
Бер уйнап ҡалыр миҙгел, тип,
Үҙеңсә уйлайһыңдыр.
Йәйҙәрен йәшел аҡланда
Сәскәләр йыяһыңдыр,
Сәскә сағым үткән, тиеп,
Үҙеңде тыяһыңдыр.
Көҙ көнөндә кинәт кенә
Килергә уйлайһыңдыр,
Ә вокзалға еткәс, гелән
Поезға һуңлайһыңдыр...
...Беләм — бер ни уйламайһың,
Онотҡанһыңдыр инде.
Һин булып —
(күңел дарья бит!) —
Уйлап ҡарағым килде...
