Һәр бер әсә йөрәгенә бағышлайым

Дөп-дөп тибә йөрәк аҫтында, Шундай кескәй һинең йөрәгең. Устарымды һалып эсемә, Тоям һинең тәпәй тибеуең... Һиңә тиклем мин белмәгән инем, Йөрәгемдең сикһеҙ икәнен. Әсә һөйөүенең балдан татлы, Ҡояштан да наҙлы икәнен... «Әсәй»- тиеп миңә өндәшкәндә, Әйтерһең дә донъям әйләнә. Иңдәремә ҡанаттарым үҫеп, Сикһеҙ бейектәргә үрелә... Ҡарашыңда күрәм атайыңды, Йылмайғанда уның көлөүен... Һеҙҙең өсөн һәр бер күҙәнәгем, Борсолоуҙар, янып һөйөүем. Һиңә тиклем мин белмәгән инем, Йөрәгемдең сикһеҙ икәнен... Һәр мөйөшө уның: «БАЛАМ!»-тиеп, Барыһына әҙер икәнен.... (Гульнур Ишкильдина шиғыры)

Һәр бер әсә йөрәгенә бағышлайым