"Нисек сығыш яһауға әҙерләнергә?"

Йәштәр йортонда "Нисек сығыш яһауға әҙерләнергә һәм уны иҫтә ҡалырлыҡ итергә" тигән оҫталыҡ дәресе "Ҡатын-ҡыҙ нәфислеге" йәмғиәте ҡыҙҙарын йыйҙы. Ҡатнашыусылар халыҡ алдында яҡшы сығыш яһауға нимәләр ярҙам итә һәм нимәләр ҡамасаулай, телмәрҙе нисек хисле һәм иҫтә ҡалырлыҡ итергә, телмәргә нисек әҙерләнергә, шулай уҡ инандырырлыҡ итеп һөйләргә өйрәнергә кәрәклеге тураһында фекер алышты. Ҡыҙҙар практикала ҡыҫҡа сығыштарҙы тикшерә. Эксперт - "Һүҙ театры" тип аталған һөйләшеүҙәр һәм ораторлыҡ оҫталығы студияһы етәксеһе, философия фәндәре кандидаты һәм бизнес-тренер Гүзәл Рәзәпова була. Сараны "Ҡатын-ҡыҙ нәфислеге" ойошмаһы етәксеһе, дипломлы психолог Сәиҙә Кәримова ойошторған.

Фото: "Ҡатын-ҡыҙ нәфислеге" йәмғиәте.