Ҡулланыусылар хоҡуғы боҙолмаймы?

– Был эш министрлыҡ менән халыҡ араһындағы үҙ-ара эш итеүҙең юғары кимәлен һәм граждандар үтенестәренә тиҙ яуап бирергә әҙерлеген күрһәтә. Был  эшмәкәрлек һөҙөмтәһендә 10 миллион һумдан ашыу күләмдә мөмкин булған матди зыянды судҡа тиклемге тәртиптә иҫкәртергә мөмкин булды. Был ҡулланыусылар хоҡуҡтарын яҡлау буйынса күрелгән саралар һөҙөмтәлелеген күрһәтә, - тип билдәләне Башҡортостан Республикаһының сауҙа һәм хеҙмәттәр министры вазифа башҡарыусы Алексей Гусев.

Министрлыҡ йәш быуындың, республика ҡулланыусыларының һәм эшҡыуарлыҡ субъекттарының ҡулланыусы һәм хоҡуҡи белемен күтәреү буйынса саралар күрә. 2024 йылда Башҡортостандың сауҙа министрлығы белгестәре 200-гә яҡын дәғүә һәм иск ғаризаһы төҙөүҙә бушлай ярҙам күрһәткән, 270 мәғлүмәти-аңлатыу сараһы үткәргән.

Бынан тыш, федераль һәм республика телевидение һәм радио каналдарында халыҡҡа ҡулланыусылар хоҡуҡтары һәм уларҙы яҡлау өсөн булған ресурстар тураһында мәғлүмәт биреүгә йүнәлтелгән тематик тапшырыуҙар, тура эфирҙар үткәрелде.