"Ҡар бабай менән Ҡояшҡай"

Спектакль алдынан, йола буйынса, Ҡыш бабай, Ҡарһылыу һәм әкиәт геройҙары бәләкәй тамашасылар менән шыршы тирәләй әйлән-бәйлән уйнаны.

Спектаклдә һөйләнелгән тарих яҙ етеү менән ирергә тура киләсәген белеп ҡалған бәләкәй Ҡар бабай тураһында. Спектаклде сәхнәгә сығарыусылар уға тәрән фәлсәфәүи мәғәнә һалған: ул тамашасыларҙы донъяның бер туҡтауһыҙ әйләнеп тороуы, яҡындарыңа ярҙам ҡулы һуҙырға кәрәклеге һәм башҡалар өсөн йәнеңде фиҙа ҡылыу тураһында уйланырға мәжбүр итә. Тамашаны балалар ҙа, уларҙың ата-әсәләре яратып ҡараны.

"Ҡар бабай һәм Ҡояшҡай" әкиәтенең ҡуйыусы режиссеры - Рәсәйҙең атҡаҙанған, Башҡортостандың халыҡ артисы Ольга Шәрәфетдинова, рәссамы - Светлана Степанова, композиторы - Эдуард Исламов, йыр һүҙҙәрен Владимир Аношкин яҙған. Пьеса авторы - Артем Малахов, башҡортсаға Салауат Юлаев исемендәге Дәүләт премияһы лауреаты, драматург Зөһрә Бураҡаева тәржемә иткән.