18 йәшлек водитель автобусҡа бәрелгән

Өфө-Ырымбур автомобиль юлының 117-се саҡрымында 18 йәшлек водитель, "Фольксваген Джетта" менән идара итеп, Ырымбур яғынан Өфө йүнәлешендә хәрәкәт иткәндә, алда килгән транспорт сараһын уҙып китеп, ҡаршы хәрәкәт һыҙатына сыға, унда "Форд Транзит" автобусы менән бәрелешә. Автобус ике пассажир менән китеп барған. Юл-транспорт ваҡиғаһы һөҙөмтәһендә еңел автомобилдең водителе һәм пассажиры зыян күрә. Ҡалған юл-транспорт ваҡиғаһында ҡатнашыусыларҙы табиптар ҡарай. Ваҡиға урынында Дәүләт автоинспекцияһы һәм Ғәҙәттән тыш хәлдәр министрлығы хеҙмәткәрҙәре эшләй. Ваҡиғаның бөтә шарттары асыҡлана.

Фото: https://web.telegram.org/a/#-1001239180472