+18 °С
Облачно
Яңылыҡтар таҫмаһы
7 Декабря 2024, 06:30
Организмға витамин етмәүҙең билдәләре
Организмға ниндәй витамин етмәүен үҙегеҙ ҙә асыҡлай алаһығыҙ. Бының өсөн ҡайһы бер билдәләргә иғтибарлыраҡ булырға ғына кәрәк.
Организмға витамин етмәүҙең билдәләре
- Ҡулдарығыҙ, аяҡтарығыҙ ойой, йөрәк тибеше шәбәйеп, хәлһеҙлек барлыҡҡа килһә, хәтерегеҙ насарайһа, тимәк, һеҙгә В1 һәм тиамин витамины етмәй. Ҡара икмәк, фасоль, шпинат, һыра әсеткеһе, кишер, кукуруз ашарға кәрәк.
- Туҡтауһыҙ өшөһәгеҙ, бер нәмә эшләге килмәгән тойғо һәм хәлһеҙлек яфалаһа, һеҙгә пантотен кислотаһы менән В3 витамины етмәй тигән һүҙ. Туҡланыу рационына күберәк йәшел борсаҡ, һыйыр бауырын, ҡыҙыл фасолде индерегеҙ.
- Сәсегеҙ ҡойолоп, тирегеҙ кибеп, туҡтауһыҙ башығыҙ әйләнһә, был организмға В6 витаминының йәки пиридоксиндың етмәүе тураһында һөйләй. Һеҙгә борсаҡ, эшкәртелмәгән дөгө, ҡуҙаҡлыларҙы ашау файҙалы.
- Бит һәм ҡул тиреһе ҡытыршыланып, иртән аяҡтарығыҙ ауыртыуын тояһығыҙ икән, һеҙгә рутин менән рибофлаваноид етмәй. Улар сөгөлдөрҙә, мүк еләгендә, ҡыҙыл көртмәлелә, ҡара емештә, гөлйемештә, кишерҙә күп.
