+13 °С
Облачно
Яңылыҡтар таҫмаһы
24 Ноября 2024, 04:00
Гуманитар ылауҙы райсовет рәйесе оҙатып китте
Кисә Стәрлебаш районынан сираттағы гуманитар колонна махсус хәрби операция биләмәһенә юлланған. Был турала район хакимиәте башлығы Рөстәм Рахманғолов хәбәр итә. Ылауҙы тәжрибәле ирекмәндәр алып бара. Улар араһында район Советы рәйесе Илдус Хәйбуллин да бар.
Гуманитар ылауҙы райсовет рәйесе оҙатып китте
"Стәрлебаш ауылынан ике машинала юлға сыҡҡан ылауҙы Шайморатов исемендәге муниципаль ирекмәндәр штабы етәксеһе Ринат Хөсәйенов, район Советы рәйесе Илдус Хәйбуллин, яҡташтарыбыҙ өсөн тырышып йөрөгән Арутр Йосопов етәкләй", - тип яҙа район хакимиәте башлығы.
Шулай уҡ Тәтер-Арыҫлан ауылы хакимиәте башлығы Айҙар Арыҫланов, район эшҡыуарҙары Илнур Әһлиуллин менән Илмир Йосопов та юлға сыҡҡан.
"Яҡташтабырыҙға бөтә кәрәкле әйбер алынды - автомобилдәр өсөн РЭБ, дрон детектроҙары, тепловизор, ике мотоцикл, блиндаж мейестәре, генераторҙар, йылы әйберҙәр, йоҡо ҡапсыҡтары, электр инструменттары, маскировка селтәрҙәре, төҙөлөш материалдары, медикаменттар, аҙыҡ-түлек, шәхси посылкалар", - тип яҙа Рөстәм Рахманғолов.
Һәм ул гуманитар ярҙам йыйыуҙа ҡатнашҡан һәр кемгә ҙур рәхмәтен еткерә.
Ылау имен барып етһен! Яугирҙарыбыҙ ҡыуанһын! Иҫән-һау, еңеү менән тыуған яҡҡа әйләнеп ҡайтырға яҙһын!
Фото: vk.com/rakhmangulov_rk
