Уңайлы һәм матур булһа, берәү ҙә ризаһыҙлыҡ белдермәй

Башҡортостан Башлығы бөгөн Салауат ҡалаһында төҙөкләндерелгән йәмәғәт биләмәләре менән танышты. "Башҡорт ихаталары" республика программаһы буйынса башҡарылған эшкә "2"ле сәпәне. Батыр аллеяһын оҡшатты.

«Башҡорт ихаталары» программаһы буйынса ҡалала Калинин һәм Ленин урамыдары киҫелешендәге майҙан төҙөкләндерелгән. Ихатала алты күп фатирлы йорт бар. 45,8 млн һумға төшкән эштең үтәлешенә халыҡ та ҡәнәғәт түгел. Балалар майҙансығы бик "ярлы" күренә.

- Ихата миңә оҡшаманы. Тәртипкә килтерегеҙ. Тағы килеп ҡарайым, бөтә нәмә башҡа төрлө булһын, - тип ҡаты ғына әйтте Радий Хәбиров.

Ул Салауат Юлаев бульварындағы Батыр аллеяһында ла булды. Был биләмә "Торлаҡ һәм ҡала мөхите" милли проектының "Уңайлы ҡала мөхитен булдырыу" программаһы буйынса төҙөкләндерелгән. Республика етәксеһе матур эшләнеүен билдәләне.

Фото: БР Башлығы сайтынан.