"Ғариза"

"Тере һүҙ" төркөмө ҺҮҘ бәҫен күтәреү, ҡәҙерен арттырыу маҡсатында Учалы ижадсылары ойошторған " Тере һүҙ" проекты - шиғриәт байрамының аралашыу урыны.
Күҙәтеп барығыҙ, төрлө әҙәби, мәҙәни конкурстар ойошторолор: https://vk.com/club227980807?from=search

ҒАРИЗА
Аҡ ҡағыҙға сараһыҙлыҡ булып,
Теҙеләләр моңһоу хәрефтәр:
“Мин ризамын, балам туған телен,
Әсә телен уҡып өйрәнеүгә
Аҙнаһына ике дәрестә.”

Аҙнаһына ике дәрес балам,
Икмәк-тоҙлоҡ телен өйрәнһен.
Ҡалған яғы – күңел, йәне, рухы
Башҡа телдә үҫһен, көйләнһен.

Аҙнаһына ике дәрес уға
Өйрәтһендәр “Мама” – “Әсәй” тип,
Папа Атай була, хлеб – икмәк тип,
Һин яратҡан йомғаҡ бесәй тип.

Һәм – вәссәләм!
Шуның менән бурыс
Елкәһенән төшһөн түрәнең.
...Күҙе һуҡыр уның, йөрәге туң,
Хәүефтәрҙең күрмәй тәрәнен.

Ә хәүефтәр оло. Хәүеф тауҙай .
Иң-иң тәрәнеләй даръяның.
Ни арала, ниндәй гонаһ өсөн,
Вайымһыҙлыҡ Илде ялманы?

Теле тере булһа - милләт тере.
Теле барҙың ғына Иле бар.
...Ишетмәһәм ине: яҙмышына
Мең ғазаптар насип ожмах – Илдә
Яндырылған шарттың көлө бар...
Наилә Хәмбәлиева.

Учалы районы. 

Фото: Н.Хәмбәлиеваның шәхси сәхифәһенән.