Максим Забелин вазифаһынан китте

Максим Забелин беҙҙә яңы дуҫтар тапҡан, тәжрибә туплаған. Беҙҙең республиканың тәбиғәтен, мәҙәниәтен, бай тарихын яратҡан.

"Республика Башлығы Радий Хәбировҡа миңә ышанысы, төбәктең үҫеше өсөн эшләргә мөмкинлек биргәне өсөн рәхмәт. Алған тәжрибәм киләсәктә кәрәгәсәк. Премьер-министр Андрей Назаровҡа һәм башҡа коллегаларыма кәңәштәре, ярҙамдары өсөн рәхмәт белдерәм. Башҡортостанда һоҡланғыс кешеләр йәшәй. Мин ошо команданың бер өлөшө булғаныма ғорурланам. Башҡортостан йөрәгемдә айырым урын биләй, һәм мин тик йылы, яҡты хәтирәләр генә алып китәм", - тип яҙған Забелин.

Уға артабанғы эшендә уңыштар теләргә ҡала.

Фото: Максим Забелин