Әмир Ишемғолов иҫтәлегенә таҡтаташ асылды

Был турала район хакимиәте башлығы Марат Исҡужин социаль селтәрҙә хәбәр итә.

Сара аят уҡыуҙан башланған. Өфөнә мәртәбәле ҡунаҡтар - Бөтә донъя башҡорттары ҡоролтайы вәкилдәре, тарихсылар, Ҡыпсаҡ ырыуы етәксеһе Әхәт Сәлихов килгән, Әмир Ишемғоловтоң туғандары ҡайтҡан. 

Бикес ауылынан 1812 йылғы Ватан һуғышында ҡатнашып, миҙалға лайыҡ булыусылар бар. Уларҙың исемдәре мемориалға яҙып ҡуйылған. Шулай уҡ күрше ауылдарҙан батырлыҡ күрһәтеүселәрҙең дә исемдәре мәңгеләштерелгән. Халыҡ батырҙарын онотмай.

Ә Әмир Миңлеәхмәт улына килгәндә, ул башҡорт балын танытыусы ғына түгел, ә Республика халыҡ медицинаһы һәм апитерапия үҙәгенә нигеҙ һалыусы ла. БР Дәүләт Йыйылышы - Ҡоролтай депутаты, Бөтә донъя башҡорттары башҡарма комитеты рәйесе булғанда ла халҡы өсөн күп эшләне.

Рәсәй Федерацияһының атҡаҙанған фән эшмәкәре Әмир Ишемғолов ҡәһәрле коронавирус пандемияһы осоронда ауырып, арабыҙҙан ваҡытһыҙ китте.

Уның иҫтәлегенә таҡтаташ тыуған йорто стенаһына беркетелде. Әле унда шәхестең әсәһе Шәүрә Сөнәғәт ҡыҙы йәшәй. Аллаһы Тәғәлә уға һаулыҡ бирһен.

Фото: vk.com/marat.iskuzhin