Радий Хәбиров Ҡарағалпаҡстан министры менән осрашты

  Көн тәртибендә – белем биреү өлкәһендә хеҙмәттәшлек итеү, шулай уҡ Үзбәкстанда Евразия милли белем биреү үәҙегенең вәкиллеген асыу. 

 – Беҙ Үзбәкстан иҡтисадының төп тармаҡтары өсөн белгестәр әҙерләү өлкәһендә  хеҙмәттәшлек тәҡдим итәбеҙ.   Бының өсөн беҙҙең ресурстар бар, – тине Радий Хәбиров. – Бөгөн башҡортостан вуздарында белем алыусы 11 мең сил ил студенттарының һәр унынсыһы Үзбәкстандан.  Ә Башҡорт дәүләт педагогия университеты  базаһында бер йыл элек Үзбәк теле үҙәге астыҡ.   

Ҡарағалпаҡстан министры  профессиональ әҙерлек өлкәһендә  етди хеҙмәттәшлек итергә әҙер булыуҙарын билдәләне.   

– Һеҙҙең республикала тәүге тапҡырмын, йылы ҡабул итеүегеҙ өсөн рәхмәт, – тине  Батырбәк Ҡаипбиргәнов. – Беҙҙең ведомство 2024 йылда ғына булдырылды.  Республика етәкслеге беҙгә профессиональ белем биреүҙе яңы кимәлгә сығарыу бурысын ҡуйҙы.     Беҙҙе бында колледждар системаһы – эшсе һөнәрҙәр буйынса белгестәр әҙерләү  айырыуса ҡыҙыҡһындыра.   Был йүнәлештә хеҙмәттәшлекте дауам итербеҙ, тип уйлайым.

Осрашыуҙа шулай уҡ Нукус ҡалаһында донъя кимәлендәге Евразия ғилми-белем биреү үҙәгенең вәкиллеген асыу тураһында фекер алыштылар. Радий Хәбиров Башҡортостанда Евразия күсмә цивилизациялар музейы төҙөлөшө тураһында һөйләне.