+14 °С
Облачно
Яңылыҡтар таҫмаһы
25 Октября 2024, 12:15
"Мәңгелек ут"ҡа яҡын килмәҫтәр башҡа
Салауатта өс үҫмер "Мәңгелек ут"та аяҡ кейеменең табанын йылытҡан. Үтеп барған ҡатын быға көйөп, уларҙы видеоға төшөрә башлағас, хулигандарҙың береһе ҡаса. Ҡатындың әйтеүенсә, мәктәп уҡыусылары уның киҫәтеүенә бөтөнләй ҡолаҡ һалмаған.
"Мәңгелек ут"ҡа яҡын килмәҫтәр башҡа
Рәсәй Эске эштәр министрлығының Салауат ҡалаһы буйынса бүлеге хеҙмәткәрҙәре ике үҫмерҙең шәхесен асыҡлай. Улар 12 һәм 15 йәшлек малайҙар булып сыға.
Бәлиғ булмағандарҙың һүҙҙәре буйынса, улар Еңеү паркындағы "Мәңгелек ут" мемориаль комплексы янында йылынырға маташҡан.
Билдәле булыуынса, 12 йәшлек уҡыусы Салауат ҡалаһы буйынса Рәсәй Эске эштәр бүлегендә иҫкәртеү иҫәбендә тора. Әлеге ваҡытта бәлиғ булмағандарҙың ата-әсәләренә ҡарата РФ Административ хоҡуҡ боҙоу кодексының 5.35 статьяһы буйынса административ протоколдар төҙөлгән. Тикшереү материалдары тәфтиш органдарына ебәреләсәк.
