Октябрь ниндәй буласаҡ?

Ай башы болотло буласаҡ. Тик һыуытмай: тәүге көндәрҙә +15, +17 градус торор әле. Төндә лә +10 градусҡаса етеүе мөмкин.

Октябрҙең икенсе декадаһынан һалҡынайта башлаясаҡ. Белгестәр фаразлауынса, 10-ынан һуң көндөҙгө температура +10 градустан да күтәрелмәҫ, моғайын. Ямғырҙар башланасаҡ, тиҙәр. Көндәр күберәк болотло буласаҡ.

Ҡайһы бер метеорологтар тағы ла аномаль ай вәғәҙә итә. Йәнәһе, ныҡ ямғырлы, ҡарлы, елле. Һәр хәлдә октябрь аҙағында ҡыш яҡынлашыуын тоясаҡбыҙ.