Өфөлә капиталь ремонтҡа иғәнә берҙәм түләү документына индереләсәк

Бындай документтар 2024 йылдың 1 октябренән ебәреләсәк.

 Быға тиклем квитанцияны электрон төрҙә алған булһағыҙ — иҫәп-хисап элекке форматта килеүен дауам итәсәк.

Иғәнә күләме, түләү тәртибе һәм ваҡыты үҙгәрешһеҙ ҡала.

Түләү ваҡыты – иҫәп-хисаптан һуң килгән айҙың 10-сы көнөнә тиклем. Хеҙмәт өсөн айырым QR-код буйынса түләргә кәрәк.

 Түләү ысулдары ла үҙгәрешһеҙ ҡала:

* ВТБ банкында һәм Почта банкта (комиссияһыҙ);

- kapremont02.ru сайтындағы шәхси кабинетта йәки «Юрта» мобиль ҡушымтаһы аша (түләү документын электрон төрҙә алыуға ризалыҡ булғанда – комиссияһыҙ);

- 2024 йылдың октябренә тиклемге Төбәк операторы квитанцияларында күрһәтелгән реквизиттар һәм шәхси иҫәп номерҙары буйынса башҡа банктарҙа (комиссия алыуҙары ихтимал);

- үҙегеҙҙең банкта элек көйләнгән автотүләү аша.

✉ Квитанциялар таратыу мәсьәләһе буйынса Берҙәм мәғлүмәт-иҫәп-хисап үҙәгенә сәғәт 08:00-ҙән 20:00 сәғәткә тиклем (дүшәмбе – шәмбе) телефон аша мөрәжәғәт итегеҙ: 8 (347) 222-22-00, 8 (347) 222-22-55.

📞 Капиталь ремонтҡа иғәнәләр иҫәпләүгә бәйле һорауҙар менән Төбәк операторына сәғәт 09:00-ҙан 20:00 сәғәткә тиклем 8 (800) 775-69-77 номеры буйынса мөрәжәғәт итергә була.

#Аңлатабыҙ_Башҡортостан