+19 °С
Облачно
Яңылыҡтар таҫмаһы
9 Сентября 2024, 08:30
40 йәштән уҙған ҡатындар араһында бала табыусылар күбәйә
Башҡортостанда 40 йәште уҙған ҡатын-ҡыҙҙар йышыраҡ бала таба башлаған.
40 йәштән уҙған ҡатындар араһында бала табыусылар күбәйә
Быйыл алты ай эсендә 16 558 бала донъяға килгән. 2023 йыл менән сағыштырғанда, был 5,1 процентҡа әҙерәк. 2023 йылдың ғинуар – июнь айҙарында 40 йәштән оло 784 ҡатын тәүге тапҡыр йәки ҡабаттан әсәй булған. 2024 йылда иһә уларҙың иҫәбе 823-кә еткән. Өҫтәүенә, шуларҙың 103-ө тәүге балаһын тапҡан.
Шул уҡ ваҡытта йәш әсәйҙәр һаны – 20 йәшкә тиклем бала тапҡан ҡатын-ҡыҙҙар кәмей бара. Уҙған йыл менән сағыштырғанда, ундайҙар быйыл 4,7 процентҡа (былтыр 486 булһа, быйыл 463) кәмегән.
Иң күбе 20 – 24 йәшлек ҡатын-ҡыҙҙар тәүге балаһын табырға баҙнат итә. Башҡортостанда ошо йәштәге 2017 гүзәл зат тәүге тапҡыр әсәй булған. Былтыр иһә 25 – 29 йәшлектәр араһында тәүге балаһын табыусылар күберәк булған.
Фото:асыҡ сығанаҡтарҙан.
